Windows NT

Microsoft ဟာသူ့ရဲ့ Windows for Workgroup ကို Network တွေရဲ့တစ်ခုတည်းသော OS အဖြစ်မရည်ရွယ်ခဲ့ပါဘူး။ Windows for Workgroup ကိုထုတ်လုပ်ပြီး တစ်နှစ်အကြာမှာပဲ Microsoft ဟာသူ့ရဲ့ OS အသစ်ကိုမိတ်ဆက်ပေးခဲ့ပါတယ်။ ၁၉၉၃ ခုနှစ် ဂျူလိုင်လမှာ ဖြန့်ချီခဲ့တဲ့ Windows NT ဟာပထမဦးဆုံး DOS ကိုမှီခိုမှုကင်းတဲ့ Windows Operating System တစ်ခုဖြစ်ခဲ့ပါတယ်။

Windows NT ဟာ Microsoft ရဲ့အမှန်တကယ်ကို ပြုပြင်ပြောင်းလဲမှုတွေလုပ်ထားတဲ့ OS ပါ။ ဒါ့အပြင် server နဲ့ workstation အတွက်ဆိုပြီးသီးသန့် ခွဲထုတ်လုပ်ထားတဲ့ ပထမဆုံး Microsoft OS တစ်ခုလည်းဖြစ်ပါတယ်။ Microsoft ဟာ client/server networks တွေလိုအပ်ချက်ကို သိမြင်ပြီး အဲဒီအတွက် အထူးပြုလုပ်လာခဲ့တာဖြစ်ပါတယ်။ client/server network ဆိုတာကတော့ တစ်ခု သို့မဟုတ် တစ်ခုထက်ပိုတဲ့ cetral server တွေကနေ network ကိုထိန်းချုပ်ထားတာပါ။ အဲဒီ server တွေဟာ client တွေအတွက် resource share လုပ်ရာမှာ အဓိကအရင်းအမြစ်နေရာဖြစ်ပါတယ်။ NT ဟာ peer-to-peer ကို support လုပ်နိုင်သေးတယ်ဆိုပေမယ့် တကယ်တမ်းတော့ သိပ်အရေးမကြီးလှတော့ပါဘူး။

Windows NT မှာ Security Accounts Manager (SAM) ဆိုတာပါလာပြီး security အတွက်မွမ်းမံထားတဲ့ စနစ်တစ်ခုပါ။ သူ့မှာ user တွေရဲ့ database တစ်ခုရှိပြီး local client ရော network မှာပါ user တွေကို verify လုပ်ပေးပါတယ်။ Windows NT ရဲ့နောက်ထပ်တိုးလာတဲ့ နည်းပညာအသစ်တစ်ခုကတော့ NT File System (NTFS) ဆိုတဲ့ File System အသစ်တစ်ခုပါ။ အရင် DOS မှာသုံးခဲ့တဲ့ File Allocation Table (FAT) နဲ့မတူတဲ့အချက်ကတော့ NTFS နဲ့ Format လုပ်ထားတဲ့ Hard Drive ထဲမှာရှိတဲ့ file သို့မဟုတ် folder တွေရဲ့သီးသန့် permission တွေကိုထိန်းချုပ်နိုင်လာတာပါပဲ။ user တွေကို ဘယ်ဖိုင်တွေကိုတော့ သုံးခွင့်ရှိတယ်၊ ဘယ်ဖိုင်တွေကိုတော့ သုံးခွင့်မရှိဘူးဆိုပြီး permission တွေခွဲပေးလာနိုင်တဲ့အတွက် network ကိုထိန်းချုပ်ရာမှာ ပိုမိုအဆင်ပြေလာပြီး security အရလည်း ပိုကောင်းလာပါတယ်။

Windows NT ရဲ့နောက်ဆုံး version NT 4.0 ကိုထုတ်ပြီးချိန်မှာတော့ NT ဟာတော်တော်ကောင်းမွန်ပြီး stable ဖြစ်တဲ့ Network Operating System တစ်ခုဖြစ်လာနေပါပြီ။ ဒါကြောင့် Windows 2000 နဲ့ 2003 server version တွေထွက်လာတာတောင်မှ network administrator တွေဟာ NT ကနေပြောင်းမသုံးချင်ကြဘူး။ ဒါပေမယ့် Microsoft ဟာ ၂၀၀၃ ခုနှစ် ဇန်န၀ါရီမှာ ကြေငြာချက်တစ်ခုကိုထုတ်ပြီးနောက်မှာတော့ သူတို့လည်း တဖြည်းဖြည်းပြောင်းလဲသွားရပါတယ်။ အဲဒီကြေငြာချက်မှာ ၂၀၀၃ ခုနှစ် ဂျူလိုင်လကစပြီး Windows NT တွေကိုအရောင်းရပ်မှာဖြစ်တဲ့အပြင် ၂၀၀၅ ခုနှစ် ဇန်န၀ါရီလကစပြီး NT နဲ့ပတ်သက်တဲ့ support တွေအားလုံးကိုရပ်ဆိုင်းသွားမှာဖြစ်ကြောင်း ကြေငြာခဲ့ပါတယ်။

Microsoft ၏ Network Operating System များသမိုင်းအကျဉ်း (၁)